Прыём работ VOKA Smartfilm завершаны, пачынаецца народнае галасаванне

26.03.2020 14:10

Набліжаецца фінал дзявятага Міжнароднага фестывалю мабільнага кіно VOKA Smartfilm: 21 сакавіка завяршыўся прыём конкурсных работ. Пераможцу будзе вызначаць прафесійнае журы. Паралельна з ім свой выбар зробіць журы народнае. Прайсці адбор у яго склад можна з 6 красавіка на сайце smartfilm.by.

На фестываль, які праходзіць пад слоганам «Сезон (не)звычайных гісторый», было пададзена каля 800 работ. Гэта фільмы з Беларусі і яшчэ 75 краін свету – ад ЗША, Італіі, Францыі і Бразіліі да Бангладэш і Малаві.А лідарам па колькасці ўдзельнікаў – 111 – з’яўляецца Індыя.

Па традыцыі, конкурсныя работы, якія паспяхова пройдуць мадэрацыю, будуць дададзеныя у раздзел «Галерэя» сайта smartfilm.by. Там іх можна будзе паглядзець, а пасля рэгістрацыі – прагаласаваць за тыя, што падаліся найбольш цікавымі. Глядацкае галасаванне пройдзе з 25 сакавіка па 5 красавіка, пасля чаго на сайце будзе размешчаны шорт-ліст з работ, выбраных гледачамі.
З 6 па 15 красавіка кожны зарэгістраваны карыстальнік афіцыйнага сайта фестывалю VOKA Smartfilm зможа адказаць на пытанні анлайн-кінатэста. Тыя, хто пакажа як мага больш высокі вынік, пройдуць у склад народнага журы і змогуць прагаласаваць за найлепшую, на іх погляд, работу з шорт-ліста.

Кіраваць работай народнага журы будзе рэжысёр і сцэнарыст Улада Сянькова, якая вынясе фінальнае рашэнне з улікам вынікаў галасавання. Пераможца ў «народнай» намінацыі атрымае ў якасці ўзнагароды смартфон Apple iPhone 11 128GB.

Афіцыйнае падвядзенне вынікаў VOKA Smartfilm адбудзецца 16 красавіка 2020 года. Фестываль праводзіцца кампаніяй А1 пры падтрымцы Міністэрства культуры Рэспублікі Беларусь. Усе работы, якія ўвойдуць у прафесійны і народны шорт-лісты фестывалю, а таксама фільмы-пераможцы будуць даступныя для прагляду ў раздзеле Smartfilm відэасервісу VOKA.

Подписывайтесь и читайте новости от ITквариат раньше всех в нашем Telegram-канале!

Поделитесь этой новостью с друзьями!

Заметили ошибку? Выделите ее мышкой и нажмите Ctrl+Enter!

И еще на эту тему: