У Магілёўскай вобласці запусцілі адукацыйную праграму для валанцёраў і сацработнікаў

У Магілёўскай вобласці запусцілі адукацыйную праграму для валанцёраў і сацработнікаў

04.08.2021 10:21



У Магілёве 3 жніўня прайшоў урок па лічбавай граматнасці, арганізаваны кампаніяй А1 сумесна з Фондам ААН у галіне народанасельніцтва (ЮНФПА) у Беларусі ў падтрымку валанцёрскага руху #яанлайн. Праграма #яанлайн-навучання распрацавана спецыяльна для валанцёраў праекта і сацыяльных работнікаў з розных рэгіёнаў краіны, якія плануюць вучыць людзей старэйшага ўзросту мабільным тэхналогіям.

#яанлайн-навучанне дапаўняе #яанлайн-даведнік для пачынаючых інтэрнэт-карыстальнікаў, выпушчаны ў чэрвені і даступны па спасылцы. Заняткі праходзяць у гібрыдным фармаце: большасць удзельнікаў з Магілёўскай вобласці далучыліся да навучання анлайн дзякуючы трансляцыі і запісу ўрока. #яанлайн-навучанне ўжо таксама адбылося ў Мінску і Віцебску, у далейшых планах Брэст, Гомель і Гродна. 

#яанлайн-навучанне праводзяць супрацоўнікі-валанцёры А1 разам са спецыялістам па сацыяльных камунікацыях з людзьмі старэй за 60 гадоў. Слухачы праграмы не толькі атрымліваюць практычныя парады, але і знаёмяцца з этычнымі нормамі і асаблівасцямі ўзаемадзеяння, якія неабходна ўлічваць пры працы з людзьмі старэйшага ўзросту.

Адукацыйная праграма распрацавана ў рамках Пагаднення аб партнёрстве, якое заключылі А1 і Фонд ААН у галіне народанасельніцтва (ЮНФПА) у Беларусі для павышэння лічбавай граматнасці людзей старэйшага ўзросту. Яе рэалізацыя пачалася ў чэрвені з выпуску #яанлайн-даведніка па мабільных тэхналогіях, які можна спампаваць на сайце ionline.a1.by альбо бясплатна атрымаць у любым цэнтры продажаў А1 у Беларусі – пры звароце абанентаў старэйшага ўзросту па кансультацыю або пры набыцці планшэта Lenovo Tab M10.
Подписывайтесь и читайте новости от ITквариат раньше всех в нашем Telegram-канале!
Поделитесь этой новостью с друзьями!


Заметили ошибку? Выделите ее мышкой и нажмите Ctrl+Enter!

И еще на эту тему:

выбрать фон